Document Type : Review Paper
Abstract
شرۆڤەکرنا گوتارا ڕەخنەیى وەکو ڕێبازەکا نوییا شرۆڤەکرنا گوتارێ ل دەستپێکێ د بوارێ زمانڤانیدا کەڤتییە د زەمینەیا پراکتیکیدا . ڤەکۆلنین گرێدایى ئەڤى بوارى ، ل دۆر پەیوەندییا دناڤبەرا زمان و هێز و دەسهەلات و ئایدۆلۆژیا گوتارێنە . ئەدەبیات ژى وەکو زانستێن جڤاکناسى، مرۆڤناسى ، سیاسى،...، د چوارچووڤێ گوتارا ڕەخنەییدا و ل دویڤ هەر روانگەهەکێ بهێتە خواندن و شرۆڤەکرن .
د ئەڤێ ڤەکۆلینێدا هەول هاتییەدان پێگەهـ و گرنگییا زمانێ دایک وەکو گوتارەک د پشکا شەشێ ژ ڕۆمانا میرنامە ئەوا- ڤەگێرانا بیرهاتنێن بوهاریێ شاعیرن دگەل خانى - ل ژێر ناڤونیشانێ ''چیرۆکا من و خانى ''، ل دویڤ تیۆرییا شرۆڤەکرنا گوتارا ڕەخنەییا'' نۆرمان فێرکلاف''ى ل سەرسێ ئاستێن ''سالۆخدان ، ڕاڤەکرن ، ڕووهنکرن '' بکەڤیتە بەر شرۆڤەکرنێ . د ئاستێ سالۆخدانێدا؛ ڤەکۆلین ل سەر ئاستێن پەیڤ و ڕێزمان و پێکهاتا تێکستێ د گوتارا ئەڤێ پشکا ڕۆمانێدا هاتییە کرن . هەروەسا ل دۆر ئاستێ ڕاڤەکرنێ ،خواندنەک بۆ چیرۆک و کەسایەتى و ئەو پەیوەندییا دناڤبەرا کەسایەتى و گوتارا ڕۆمانێ و ڕۆلێ زمانى د پێشڤەبرنا گوتارا پارچەیا هەلبژارتى ژ رۆمانێ هاتییەکرن ، زێدەبارى دیارکرنا پەیوەندییا گوتارێ ب ئەوان بابەتێن هەڤتێکستی دگەل کرین . ل سەر ئاستێ ڕووهنکرنێ ژى؛ ئەو پەیوەندییا کارتێکرنا گوتارا کەسایەتى خانى ل سەر تاک و کۆمجڤینێن وى سەردەمى و نێڕینا دەسهەلاتدارێن وى سەردەمى هەڤبەر شاعیرو نڤیسەرێن وى سەردەمى هاتینە شرۆڤەکرن . ل دویماهیکێ گەهشتینە ئەوێ ئەنجامێ ؛ گوتارا خانى ئەوا ل ژێر درویشمێ گرنگیێ ب زمانێ دایکا خۆ-کورمانجیێ- بدەن یا کاریگەر بوویە ، و ڕووهنکەرا ئایدۆلۆژیا وى و ڕۆماننڤیسییە .
پەیڤێن کلیلى: شرۆڤەکرنا گوتارا ڕەخنەیى، تیۆرییا فێرکلاف ، زمانێ کورمانجى ، میرنامە، ئاستێن شرۆڤەکرنێ
Main Subjects
)