Document Type : Case Report
Abstract
تیرۆر ورێكێن بكارئینانا وێ بوویه بابهتێن سهرهكی یێن ههلوهشاندن وژناڤبرنا جڤاك ونهتهوا، وئهگهرێن وێ زۆربهیا جاران دزڤرنه كومهكا فاكتهران كو پالدهرن بۆ پالدانا خهلكی یان تاكهكهسان ب كاروكریارێن توندوتیژ رابن وببنه ئهگهرێ تێكدانا ئاسایشا جڤاكی. رۆمانا "دهرگههێ دونیایێ" یا "سهبری سلێڤانهی" ئێكه ژ وان رۆمانێن بهرپهرێن خۆ ب توماركرنا روودانێن شهرێ داعش وهكو رێكخراوهكا پهردهپوش كری وڤهرێژا رێكخراوێن توندرهوێن ئیسلامی مینا "قاعده وئیخوان مسلمین" بهرچاڤكری، رۆماننڤێسی ب رێكا تهكنیكا پولیفۆنی شیایه چهند ڤهگێرهكا بكاربینیت ژبۆ ڤهگێرانا قوناغهكا مێژووی یا شۆرهش وبهرخودانا مللهتێ كورد و قوربانیدانا وان وئهو ستهم وتوندوتیژی وتیرۆرا ژلایێ حكومهتێن گهوری یێن عێراقێ لدژی مللهتێ كورد بكارهاتی ب ڤهگێریت. بهلێ قارهمانێ ههڤپشك دناڤبهرا ڤان ڤهگێرا ههمیان "سێفدین"ه ئهوێ ل شهرێ داعش ل كوبانێ شههید دبیت پشتی ئهو دشێت پتر ژنیڤهكا 12 تیرۆستان بكوژیت. داعش دماوهكێ كورتدا شیا گهلهك ژ ئاخا سوریێ وئاخا عێراقێ داگیربكهت وژوان ژی شنگالی وكوردێن ئێزدی بوونه قوربانیێن ڤێ رێكخراۆێ وداعش ئهنفال لسهر ئێزدییان راكر، زهلام گوشتن وژن وكچێن وان كرنه سهبی ول بازارا دفروتن. بهلێ ب قههرهمانییا پێشمهرگهی وهێزێن ههڤپهیمانان شیان وان ژناڤببهن وجارهكا دی ژیانێ بۆ وان دهڤهرا بزڤینن.
سهردهم یێ هاتی كو ئاراستا ڤهكولین وناڤهرۆكا تێكستێن ئهدهبی بهێـت گهورین، چونكی تیرۆر وهكو شانێن نڤستینه دناڤ جڤاكی دا دژیت وشهرێ داعش ئهگهر بوویه كو ب سهدان شههید ببنه قوربانی، لهوما ژیانا ههر شههیدهكی ژوان رۆمانهكه وئهڤه دێ بیته باشترین بهلگاندن بۆ مێژوویێ و نهوهیێن داهاتی. ئهف رۆمانه ژی ئێكهم رۆمانه پتشی ژناڤچوونا داعش باس ل ڤێ رێكخراۆێ بكهت. وئهڤهژی دهستپێكهكه بو ڤهگرنا دهرگههی بهرامبهر چهندین رۆمانێن دیتر.
Keywords
Main Subjects
)